CLICK HERE FOR BLOGGER TEMPLATES AND MYSPACE LAYOUTS »
كيف تكسب الملايين بل المليارات من الحسنات بدون جهد أو تكلفة تُذكر ؟؟؟؟؟ عن أبي هريرة رضي الله عنه: أن رسول الله صلى الله عليه وسلم قال: (من قال: سبحان الله وبحمده، في يوم مائة مرة، حطت خطاياه وإن كانت مثل زبد البحر). متفق عليه.- عن أبي هريرة، قال: قال رسول الله صلى الله عليه وسلم "كلمتان خفيفتان على اللسان، ثقيلتان في الميزان، حبيبتان إلى الرحمن. سبحان الله وبحمده. سبحان الله العظيم". متفق عليه. عن أبي الدرداء، عن النبي صلى الله عليه وسلم قال: "أيعجز أحدكم أن يقرأ في ليلة ثلث القرآن؟" قالوا: وكيف يقرأ ثلث القرآن؟ قال "قل هو الله أحد، تعدل ثلث القرآن".رواه البخاري ومسلم. عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ قَرَأَ حَرْفًا مِنْ كِتَابِ اللَّهِ فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لا أَقُولُ الم حَرْفٌ وَلَكِنْ أَلِفٌ حَرْفٌ وَلَامٌ حَرْفٌ وَمِيمٌ حَرْفٌ ) رواه الترمذي. عَنْ سَهْلِ بْنِ مُعَاذٍ عَنْ أَبِيهِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( يُقَالُ لِصَاحِبِ الْقُرْآنِ يَوْمَ الْقِيَامَةِ إِذَا دَخَلَ الْجَنَّةَ اقْرَأْ وَاصْعَدْ فَيَقْرَأُ وَيَصْعَدُ بِكُلِّ آيَةٍ دَرَجَةً حَتَّى يَقْرَأَ آخِرَ شَيْءٍ مَعَهُ ) رواه الإمام أحمد . عن البراء بن عازب قال: قال النبي صلى الله عليه وسلم: (إذا أتيت مضجعك، فتوضأ وضوءك للصلاة، ثم اضطجع على شقك الأيمن، ثم قل: اللهم أسلمت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجى منك إلا إليك، اللهم آمنت بكتابك الذي أنزلت، وبنبيك الذي أرسلت، فإن مت من ليلتك، فأنت على الفطرة، واجعلهن آخر ما تتكلم به) قال: فرددتها على النبي صلى الله عليه وسلم، فلما بلغت: اللهم آمنت بكتابك الذي أنزلت، قلت: ورسولك، قال: (لا، ونبيك الذي أرسلت). رواه البخاري. قال الله تعالى : ( الَّذِينَ يُنفِقُونَ أَمْوَالَهُم بِاللَّيْلِ وَالنَّهَارِ سِرًّا وَعَلاَنِيَةً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ ) البقرة:274 ، وعن النبي صلى الله عليه وسلم قال: (سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة ربه، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل طلبته امرأة ذات منصب وجمال، فقال إني أخاف الله، ورجل تصدق، اخفى حتى لا تعلم شماله ما تنفق يمينه، ورجل ذكر الله خاليا، ففاضت عيناه). أخرجه البخاري ومسلم. ورد في الصحيحين عن أبي مسعود الأنصاري قال: قال النبي صلى الله عليه وسلم: (الآيتان من آخر سورة البقرة، من قرأ بهما من ليلة كفتاه). عن النبي صلى الله عليه وسلم: (سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء لك بذنبي فاغفر لي، فإنه لا يغفر الذنوب إلا أنت. قال: ومن قالها من النهار موقنا بهاً، فمات من يومه قبل أن يمسي، فهو من أهل الجنة، ومن قالها من الليل وهو موقن بها، فمات قبل أن يصبح، فهو من أهل الجنة). رواه البخاري. قال عليه الصلاة والسلام : من حلف بغير الله فقد كفر وأشرك . رواه الإمام أحمد وأبو داود والترمذي. من قال: لا إله إلا الله وحده لا شريك له، له الملك وله الحمد وهو على كل شيء قدير، عشر مرات. كان كمن أعتق أربعة أنفس من ولد إسماعيل. قال رسول الله صلى الله عليه وسلم "يا أيها الناس! توبوا إلى الله. فإني أتوب، في اليوم، إليه مائة مرة". رواه مسلم. عن أبي هريرة رواية، قال: (لله تسعة وتسعون اسماً، مائة إلا واحداً، لا يحفظها أحد إلا دخل الجنة، وهو وتر يحب الوتر).متفق عليه.

الخميس، ١٩ يونيو ٢٠٠٨

قتل الأبناء بدافع الرحمة ودوافع أخرى




تأثرت كثيرا وحزنت كثيرا عندما سمعت عن هذا الأب الذى قتل اولاده الثلاث بسبب هواجس طاردته وسيطرت على تفكيره بان الروم سيقومون بغزو مصر وقتل كل من فيها .. ورحمة منه بأبناءه – كما يزعم أو كما يتصور – فقد قام بقتلهم جميعا بالسيف أمام بعضهم البعض ولم يوقفه صراخهم ولا استجداءهم ولا دموعهم المنهمرة والمذعورة .. كل ما كان يسيطر عليه أنه سيقوم بحمايتهم وتخليصهم من ذلك المستقبل المرعب الذى ينتظرهم

فهل يمكن أن يؤدى بنا الخوف على من نحب إلى قتلهم ؟؟؟؟
إن هذا الأب الذى يبدو فى نظر نفسه رحيما بأبنائه واكثر خوفا عليهم من أنفسهم .. لم يقتل أبناءه بدافع الرحمة .. بل قتلهم ليجنب نفسه الشعور الدائم بالخوف عليهم والترقب لمصيرهم المنتظر يوما بعد يوم .. ولم يدرك أن الله الذى خلقه وخلقهم وخلق البشر اجمعين قادر ان يحمى هؤلاء الصغار من أى خطر إن أراد


وصلتنى صورة على الإيميل منذ فترة لأم إفريقية قتلت طفلها الصغير الذى يبدو من شكله أن عمره يتراوح من 3 : 4 سنوات بأن فصلت رأسه وأطرافه عن باقى جسده واستعدت لوضعهم فى قدر على النار لتقوم بطهيه وأكله ولم يعيقها عن ذلك إلا مداهمة الشرطة لمنزلها .. خسارة قتلتى ولدك ولم تسدى جوعك أيتها الأم الجائعة



عندما تفكر فى القطة التى تأكل أبنائها وقت الخطر .. تشعر أنها- برغم قسوة تصرفها وبشاعته - أرحم أم على وجه الارض .. فلا ترضى أن يموت صغارها بعيدا عنها .. إن أراد الله لهم الموت فلتكن أحشائها لهم مدفنا .. وكما خرجوا منها .. يعودون لها مرة أخرى بالقرب من قلبها

يا قطة كلتى ولادك ؟؟
مش حرام عليكى
بدل ما تخافى عليهم
وتحطيهم فى عنيكى
هان عليكى سنانك
تجز فى لحمهم
وكل ما تاكلى حتة
تسقى بدمهم
قالت القطة وهى
بتمسح دمعها
أمال عايزينى أسيبهم
لناس مش بتحبهم
عايزين يدبحوهم
ويشربوا دمهم
ولادى أنا أولى بيهم
ومكانهم بين كيانى
خرجوا من جوه بطنى
ورجعتهم تانى
ومحدش تانى هيقدر
يهدد أمنهم
وهعيش وانا مطمنة
وهموت فى حضنهم

آسفه يا جماعة إن الموضوع المرة دى يوجع القلب بس كان محتاج وقفة

كلمة أخيرة أهمس بها فى أذانكم

يا سيدات مصر : أبعدوا عن أزواجكم كل ما يتعلق بالسياسة والحروب والتحليلات والتكهنات المستقبلية

ويا رجال مصر : أبذلوا كل جهدكم لكى تشبعوا زوجاتكم .. مين عارف ؟؟ ممكن العدوى تنتشر ؟؟

ويا قطط مصر : اطمئنوا اطمئنوا فانتم تحيون فى بلد آمنه يجد القط فيها من الماكل والمشرب ما لا يجده المواطن
ده كفاية عليكوا الفيران .. انتوا هتطمعوا ولا إيه ؟؟؟؟؟؟؟؟؟

دمتم جميعا بكل الخير


57 comments:

Alkomi يقول...

و الله يا سالي مش عارف اقولك ايه

بس بحكم التواجد العميق في الحياة
احب اقوللك ان الاخ ده حالة معلنة بينما هناك حالات اخرى لا يعلن عنها

و ربنا يستر حقيقي لان الامور خلاص مش مستحملة

تحياتي

واحــ الفكر و القلم ــة يقول...

محمد الكومى
------------
أهلا بك اخى الفاضل
فعلا فيه حاجات كتير غير معلنة لكن بتكون بدافع الكراهيه .. أو الغضب أو لحظة جنون
لكن حالة الأب ده مختلفة لأنها بدافع الحب والخوف

سامح الله من كان السبب خلف هواجسه هذه التى أطارت عقله وانتهت به إلى مستشفى الأمراض النفسية والعصبية .. وأعتقد بصراحة انه قرا كتاب " الهرمجدون " وتأثر به تاثرا شديدا

نورتنى اخى الفاضل وأسعدنى مرورك

موجة يقول...

واحة الفكر و القلم
♥ ♥ ♥ ♥ ♥ ♥ ♥ ♥ ♥ ♥
مش عارف له حاسس اني مريت بالمدونة قبل كده أو اني اعرفها من زمان .. لكن بجد مدونة هايلة موضوعاتها جميلة وشكلها و اخراجها الفني رائع
كده حاكون ضيف ائم هنا لو سمحتي طبعا طبعا موضوع مؤلم اللي اتكلمتي فيه و الاباء دول ما لهومش مبرر ولا حتى شماعة الظروف

بسم اله الرحمن الرحيم
( نحن نرزقهم و إياكم )
صدق الله العظيم

استمري
خالص تحياتي
أحمد
مجرد موجة

واحــ الفكر و القلم ــة يقول...

موجة
~~~~
أهلا بك اخى الفاضل
ربنا يكرمك يا فندم ويبارك فيك
أشكر على كل هذا الإطراء الجميل لمدونتى .. اتمنى ان تستحقه
ضعف الإيمان والبعد عن الله هو سبب كل مصائب الدنيا
يسعدنى دائما تشريفك بدون استئذان
نورتنى أخى الفاضل واسعدنى مرورك

snohe يقول...

عزيزتى
مدونتك جميله
ادعوكى انت ومن تحبين الى زيارة مدونة سنوهى

يوميات فنانه مفروسه جداا يقول...

ياااااه يا سالي وجعتيلي قلبي

ربنا مايحط حد في الموقف ده ابدا

دمتي مبدعه يا سالي ياقمر

سلامز

عًٍمًرٌٍوٍ آلنْوٍبٌَِى يقول...

ياربنـــا بجد وجعت قلبنا على رأي مفروسة هانم
انا قريت الخبر بتاع الراجل الى قتل عيالو علشان خايف عليهم والله انا انصدمت هو ممكن يجى علينا اليوم الى الاب يقتل ولاده علشان خاطر خايف عليهم؟؟؟ انا بصراحة مش مصدق والموضوع مش راضى يدخل دماغى نهائى ازاى اقتل ولادى علشان خايف على مستقبلهم
سالى البوست بتاعك على قد ما هو يوجع على قد ما هو جميل
تحياتى ليكى

واحــ الفكر و القلم ــة يقول...

snohe
------

أهلا بك اخى الفاضل
جزاك الله خيرا
زرت مدونتك وموضوعك قيم بالفعل

نورتنى واسعدنى مرورك

واحــ الفكر و القلم ــة يقول...

يوميات فنانة مفروسة جدااا
--------------------------
أهلا يا ياسمين
انا آسفه والله يا حبيبتى
بس اللى بيحصل ده بجد يوجع القلب
ومفيش ضمير حى يقبله
ربنا يلطف بينا

نورتينى يا قمرى

واحــ الفكر و القلم ــة يقول...

عمرو النوبى
-----------
أهلا بك اخى الفاضل
اللى بيحصل ده فعلا شئ لا يصدقه عقل
مش قادرة اتصور ازاى هان عليه يقتلهم وهما صاحيين قدامه ويشوف دمهم ويكمل واحد ورا التانى
ده لما الابن بيتعور بس الدنيا بتسود فى عين والديه
ربنا يشفى
ويرزقنا الرحمة بكل من حولنا

نورتنى اخى الفاضل واسعدنى مرورك

همس الاحباب يقول...

يااااااااه بجد ادمعتى القلوب قبل العيون يا اختاااااااااه
نعم الموقف صعب ولا يحتمل وكيف لى ان اقتل نفس حرم الله قتلها الا بالحق
لاحول ولا قوة الا بالله
دمتى مبدعة اختى الفاضلة
تحياتى

غير معرف يقول...

يا نهار ابيض ع الدنيا اللي احنا عايشينها
موت والده خايف عليهم،، والتانية اللي قتلت ابنها خايفة برضه؟
طب انا خايفة على اخواتي دلوقتي م العربيات وهما بيعدوا الشارع كل كام يوم وهما رايحين مركز الشباب اروح اموتهم بأه عشان وجع القلب والقلق بتاع كل يوم ده؟؟
منطق غريب
مش عارفة ليه مش عارفة اتعاطف مع الناس دي

سيبك انتي،، المهم انتي اخبارك ايه؟ مش خايفة على حد اليومين دول؟؟

مها ميهوووو

صالح سعيد يقول...

بصراحه هى فعلا حاجه تزعل
واحنا ربنا يستر علينا بجد لاننا بنعيش فى زمن صعب جدا
اول زياره لمدونتك ولن تكون الاخيره
لانه واضح جدا ان مدونتك دماغها عاليه
ربنا يزيدك ويوفقك
تحياتى

الزهراء يقول...

لما شوفت الخبر ده عالتلفزيون قلبت علطول ...
مدونتك جميلة ياسالى وعجبنى البوست اللى قبل ده اوى ..

سنووايت يقول...

زي ما كتبتي والله حاجة توجع القلب
بس الاب اللي قتل ابناؤه دا انا اعتقد انه شيزوفرينيا انا شفته في لقاء وحسيت كدة
بس فيه حالات كتير تانية بنسمعها , الوضع اللي بقينا فيه يعمل اكتر من كدة , ربنا يتولي عباده

ياسر يقول...

ويا00000 : أبذلوا كل جهدكم لكى تشبعوا زوجاتكم .. مين عارف ؟؟ ممكن العدوى تنتشر ؟؟؟؟؟؟؟
زي ما بيقولوا عندنا في المحلة بتنفخي
في قربة مخرومة نفس القصة بتكرر كل يوم
من فترة زوج شك مجرد شك في زوجتة فقال
انا اقتل بناتي الخمسة علشان مايطلعوش زي امهم
وبعدين اقتل زوجتي وادخل السجن وبالفعل الثلاتة الكبار
قتلهم ذبحا والعياذ بالله وفضل بنتين واحدة 7سنين اخدها
الحمام وحط راسها في برميل ماء حتي اختنقت وماتت
طفلة رضيعة 3شهور ذبحها قبل ما يقتل اختها في الحمام
بيجمع الجثث كانت ليسة فيها الروح راح يشلها لاقاها ليسة
مفتحة عيونها ووجها غارق بالدموع لان احبالها الصوتية تقطعت
تفتكري عمل اية قام بفصل الراس نهائيا عن الجسم
حاسبي الله ونعم الوكيل في كل زوج ظالم
وللاسف المجذرة البشرية دي امام اعين زوجتة مكبلت
الايدي والارجل وفية لازق علي فمها لعدم الصراخ
وانهي مجزرتة البشرية بي الام رحمهم الله جميعا
بس الست في مصر لازم يكون لها حقوق اكتر من كدا
ازواج زي دة يكون عبرة يرمي بالرصاص في ميدان عام او يشنق
بردك في ميدان عام
معلشي سامحيني بس اندفعت متاسف
كل الود والمحبة والاخوية في الله

عبده الرايق يقول...

من هنا ورايح
هاجيب بالمرتب كله عيش
محدش ضامن الظروف
لحسن مسز رايق تجوع ولا حاجه
يبقى رحنا فى الحله


هو موضوع الست الافريقيه ده حقيقى ؟؟
انا مش مصدق
ولا باميل ولا من غير اميل
انا بحكم عقلى قبل ودانى
انا طبعا مش بشكك فى كلامك حاشا لله
ولكن مش كل حاجه نسمعها نصدقها
وعلى فكره الفوتوشوب شغال بيركب الصور زى الرهوان

حمادة زيدان يقول...

سالي

بجد انا مبسوط انه عرفت مدونتك ... ومعلش بقي صاحبتك بخيلة لسه قايلالي على المدونة من ساعتين

الموضوع وجعني اوى والله ومشهد الاب اللي قتل ولاده صعب اوى اوى ... انا مش متخيل ازاى خوفه يسيطر على حبه ليهم ويكتفه وينسيه ابوته ... كمان الام الطفسه دى والله عشنا وشوفنا

اما عن القطط فانا شايفهم ارحم بكتير مننا

دمتي بخير

واحــ الفكر و القلم ــة يقول...

همس الاحباب
ْْْْْْْْْْْْْْ~~~~~~~~~
أهلا بك اخى الفاضل
الموقف فعلا لا يحتمل وليست المشكلة فى القتل فقط رغم حرمانيته .. لكن الأصعب حقا هو قتل فلذة الاكباد أيضا
يا لها من بشاعة !!!

نورتنى اخى الفاضل

واحــ الفكر و القلم ــة يقول...

أحسن تستاهل
~~~~~~~~~~

أهلا يا قمر
والله انا بتهيألى اللى بيخاف أوى كده ومش مؤمن بالله وبقضاءه وقدره ميحاولش ينجب اصلا بدل ما يقتلهم

نورتينى يا قمر

واحــ الفكر و القلم ــة يقول...

صالح سعيد
~~~~~~~~
أهلا بك اخى الفاضل
ربنا يرحمنا بجد احنا بقينا فى زمن قاسى ومنعدم المشاعر
تشرفت باول زياراتك يا فندم
وفى انتظارك دائما ان شاء الله

نورتنى اخى الفاضل

واحــ الفكر و القلم ــة يقول...

الزهراء
~~~~~~~~
أهلا يا قمر
فعلا والله حاجات محدش يستحملها
جزاكِ الله خيرا حبيبتى
نورتينى يا قمر

واحــ الفكر و القلم ــة يقول...

سنووايت
~~~~~~~~
أهلا يا قمر
فعلا حاجة توجع القلب
بس اعتقد مهما كان الوضع منقدرش نقتل اولادنا حتى لو كنا قتلة محترفين

نورتينى يا قمر

حاجات جوايا يقول...

ياسر
~~~~~~
ايه ده ؟
ايه ده ؟
يااااااااااااربى
فيه ناس كده معقووووووووووول
اللاآدميه وصلت للدرجة دى
ولسه يا ما هنشوف ربنا يستر


نورتنى اخى الفاضل

حاجات جوايا يقول...

عبده الرايق
~~~~~~~~~~~~
اهلا اهلا يا فندم
اه خد بالك اووووووى
بس مسز رايق طيبة وحنينة ومش هتعمل كده خاااااااالص انا متأكدة وواثقة فيها
خد بالك بس من سقرطة ممكن تعملها معاك مش مع الولاد ههههههههههههههه


للأسف حاولت ادور عالصور عشان اوريهالكوا " بجملة وجع القلب " مش عارفة اوصل لها لأن عندى كم هاااااااااااائل جداااااااااا من الرسايل وصلت لـ 3120
بس بجد الصور حقيقية ومأخوذة من مواضع مختلفة

ربنا يرحمنا

نورتنى أخى الفاضل

حاجات جوايا يقول...

حماده زيدان
~~~~~~~~~~~

أهلا بك اخى الفاضل
حضرتك نورتنى يا فندم
بس أنا معترضة .. صاحبتى مش بخيلة دى لسه عازمانى عزومة جامدة وجايبه لدودو شيكولاته وبمبونى ههههههههههههه
كل شئ باوان يا فندم المهم ان حضرتك نورتنى فى النهاية

الموضوع فعلا مؤلم جداااااااااا
ومش قادرة اتخيله بصراحة
بس ده شئ طبيعى من مدمن بانجو "أو اعشاب طبيبعية على حد قول الاب القاتل "

ربنا يرحمنا برحمته

نورتنى يا فندم

momken يقول...

كنت هقولك والله ياسالى مش عارف اقولك ايه

بس لاقيتها مكتوبه فى اول تعليق بتاع الكومى

انا حاسس انه مضطهدنى

هههههههههههههه

اول حاله عندك دى فوبيا ومعروفه ومشهوره
نوع من الجنون بيسيطر على الشخص خوف من شىء معين وبعدين بيتحكم فى تصرفانه
نتيجه لخوفه الشديد
زى فوبيا الاماكن المرتفعه وفوبيا الاماكن المغلقه

وفوبيا الالوان
وده نوع منها
وبيقلب بموريستان بعد كده
اغلب الى عندهم فوبيا بيكونوا بيقروا ومثقفين تخيلى

النوع التانى بقى ده فقد للاادميه
مش هتكلم عن القرف
والنس ومش عارف ايه
انا هتكلم فى ان حتى الوحوش مش بتاكل ولادها
ولا القطط مع احترامى لقيدتك

القطط بتشيلخهم بس بسننها ومش بكلهم احنا بتهيلينا كده

البوست بتاعك حلو
بس محزن ومفزع جدا

الناس بتاكل بعض......مش واكل


تحياتى

واحــ الفكر و القلم ــة يقول...

momken
~~~~~~
أهلا بك اخى الفاضل
والله انا آسفه جدا إن الموضوع أثار حزنك وفزعك
لكن للأسف الواقع أمر بكثير
أشكرك جدا على هذه المعلومات القيمة .. واضح ان حضرتك مطلع او دارس لعلم النفس السيكولوجى


بس بالنسبة للقطط .. القطة فعلا معتادة انها تاكل أحد اولادها عقب الولادة مباشرة

أنا قرات الموضوع ده على النت

نورتنى اخى الفاضل

بحبك يامصر يقول...

السلام عليكم
طبعا حالة الخوف والرعب والهلوسه اللى اصابت الراجل ده اكيد ليها سبب واكيد مش هتخرج من دائرة ضيق الحال وصعوبة المعيشه والظلم والفساد اللى موجود فى البلد ربنا ينتقم من المتسبب ويرحمنا يارب
البوست فعلا موجع بس واقع وعشان واقع لازم نتعرف عليه ونتعايش معاه
تحياتى لحضرتك

ريمان يقول...

سالى

بجد بجد انا اتعودت دايما على ان بوستاتك مش حزينه

انا اتقطع قلبى من البوست ده

موضوع قتل الب لابنه منتشر فى الفترة الاخيره

والادهى من كده قتل الابن لابوم ولامه

ربنا يحفظنا

وربنا يسترنا

تحياتى ليكى يا اعسل

واسفه انى اتاخرت فى التعليق

حاجات جوايا يقول...

بحبك يا مصر
~~~~~~~~~~
اهلا بك أخى الفاضل
أكيد ظروف المجتمع لها دخل كبير فيما يحدث فيه
ولسه ياما هنشوف
نورتنى اخى الفاضل

حاجات جوايا يقول...

ريمــــــــــان
~~~~~~~~~~~~~~
اهلا يا قمر
معلش بقى .. مهو اللى يعيش فى الدنيا دى لازم يبقى حزين وكتاباته تبقى حزينه
ربنا يستر عاللى جاى

متأخرتيش ولا حاجة يا قمر
انتى تنورينى دايما فى أى وقت

سلام

ذو النون المصري يقول...

اعتقد ان قاتل اولاده اول خطوه له علي هذاالطريق هو فقده عقله اولا
او وقوعه في ظل مرض نفسي كالاكتئاب مثلا
لاني لا اعتقد ان اي صحوة عقليه او ضميريه ممكن تترك صاحبها لقتل اولاده

Unknown يقول...

تحيتي لك
يشرقني دوتك لحضور مدونتي وزيارتها وترك لمساتك عليها..
أتمنى تلبية الدعوة وأعدك أن لا تكون هذه المرة الوحيدة التي أزور بها المدونة
كل الود وفائق الإحترام والتحية
مدونتي هنا
http://kanyatklam.blogspot.com/

حاجات جوايا يقول...

ذو النون المصرى
~~~~~~~~~~~~~~
أهلا بك أخى الفاضل
أنا فعلا متفقة معك .. دى الرحمة موجودة فى الحيوان فما بالك بين البشر وخاصة بين الاب وابنه
والاب ده فعلا شكله مختل عقليا .. كانت المزيعة بتسأله بتشرب مخدرات قالها لأ ... قالتله بس احنا سمعنا انك بتشرب بانجو .. قالها اه بشرب بانجو مهو مش مخدرات ده اعشاب طبيعية !!!!

ربنا يلطف بينا

نورتنى اخى الفاضل

حاجات جوايا يقول...

كاتب مصرى
~~~~~~~~~
أهلا بك أخى الفاضل
شرفتنى بمرورك ودعوتك الكريمة
انتظرنى قريبا ان شاء الله

Empress appy يقول...

لا كده وجعتينى بجد بكلامك طبعا عرفت عن الحادثه بس المعانى الاكبر اللى كتبتيها صعبه بجد يااااااااااا
ربنا يستر بجد ومفيش حاجه تأثر على حياتنا اكتر من كده ولا تدفعنا للجنون اكتر من كده

Unknown يقول...

الراجل ده انا عمالة ادعى لعليه ليل نهار من ساعة ما سمعت الخبر
ده مجنون يا اما شيطان متخفى فى صورة انسان و خسارة فيه اننا نحاول مجرد المحاولة ندورله على مبرر

خالد كامل يقول...

تصدقى دخلت المدونة أكتر من مرة ... بس أول مرة اقرا البوست ؟
كل مرة تحصل حاجة تخلينى أقفل ..
ما علينا ...
البوست جامد قوى ...
و الموضوع حساس جداً
اذا كان و احنا فى عصر التقدم و الرفاهية (( اللى هو دلوقت يعنى )) ... و فى ناس بتعمل كدة ... امال لو حصل حاجة كدة ولا وكدة ... الناس هتعمل ايه ؟
ربنا يستر علينا
تحياتى

غير معرف يقول...

السلام عليكم ورحمه الله وبركاته

هذه حملتك أتينا بها إليك
إلى متى الصمت

إلى متى نترك أمورنا يحمل همها غيرنا
فنحن لها إن شاء الله

مهما قالوا ومهما زيفوا الحقائق فتلك عقولنا باقية

ادعوكم للتفاعل مع الحملة بالتوقيع وبتحمل مسؤليتكم كاملة في إنجاحها فهي حملتنا جميعا

أنشروا لوجو الحملة ورابط المدونة والجروب لديكم

حثوا كل من تعرفوا على المشاركة والتفاعل

هدفنا ان نصل مليون فرد وسوف نصل أن شاء الله

بيك وبينا وكل امتنا هنعلنها ونقول

أنا بحب الإخوان

http://iloveikhwan1928.blogspot.com/

أرسلوا تلك الرسالة لكل من لديكم

أنفاس الصباح يقول...

سالى
هو فيه ايه!
حد زعلك
ايه الكوابيس دى
انا اول مرة اسمع الكلام ده
بس بجد مش ممكن
الا الاب والام
وتحت اى ظرف
ربنا يرحمنا

المدون والناشط / ضياء الحلوجي يقول...

سلامى لسالى وبصراحه نشكرك على مدونتك الجميله

المدون والناشط / ضياء الحلوجي يقول...

نشكرك سالى على الكلام الجميل ونرجوا منكى التواصل

المدون والناشط / ضياء الحلوجي يقول...

نرجوا التواصل ولكى الشكر

حسن حنفى يقول...

والله الموضوع مؤثر بجد
شكرا
تقبلوا مروري

حاجات جوايا يقول...

آسفع يا جماعة للغياب
للأسف الروتر عندى اتحرق ومش عارفة اتواصل معاكوا
كنت عند ماما النهارده ورديت على زوار المدونة التانية " حاجات جوايا " وللأسف مش هلحق ارد عليكوا عشان ماشية دلوقت حالا

سامحونى واعذرونى
وتحياتى لكم جميعا

أستودعكم الله الذى لا تضسع ودائعه

دمتم جميعا بكل الخير

انتظرونى ولا تنسونى
السلام عليكم


سالى

واحــ الفكر و القلم ــة يقول...

appyyy
~~~~~~~~
والله يا بنتى حاجة توجع القلب فعلا
ربنا يرحمنا م اللى بنشوفه ده

نورتينى يا قمر

واحــ الفكر و القلم ــة يقول...

عاليا حليم
~~~~~~~~~~
أكيد فعلا ده مختل عقليا
بس احنا مش بندور على مبرر عشان نعذره
احنا بندور على مبرور عشان عقولنا وقلوبنا تقدر تستوعب اللى عمله

ولسسسسه
ربنا يسترررررررر

نورتينى يا قمر

واحــ الفكر و القلم ــة يقول...

مهيج الجماهير
~~~~~~~~~~~~~
ربنا يكرمك أخى الفاضل
والله منا عارفة ممكن يحصل ايه
ربنا يرحمنا

نورتنى أخى الفاضل

واحــ الفكر و القلم ــة يقول...

انا بحب الاخوان
~~~~~~~~~~~~~
ربنا يوفقكم الى كل ما يحبه ويرضاه

نورتنى

واحــ الفكر و القلم ــة يقول...

أنفاس الصباح
~~~~~~~~~~~~~
أهلا يا حبيبتى
ياريتها كانت كابوس والله
كان اقصى رد فعل ليها انك تستعيذى بالله من الشيطان الرجيم وتنسى الموضوع
لكن للأسف الموضوع ده بيخلى بجد حياتنا كابوس نتمنى تصحى منه

ربنا يلطف بينا
نورتينى يا قمر

واحــ الفكر و القلم ــة يقول...

ضياء الحلوجى
~~~~~~~~~~~
ربنا يكرمك يا فندم
جزاك الله خيرا

نورتنى أخى الفاضل

واحــ الفكر و القلم ــة يقول...

حسن حنفى
~~~~~~~~~~
ربنا يكرمك يا فندم
نورتنى أخى الفاضل

ساسو يقول...

ااااااااااااااااه ياسالي بجد حاجه توجع القلب
ايه اللي حصل للناس اتجننت ..اتهبلم .ولا بيستهبلم
ظروف ايه ولا فرس وروم ايه اللي تخلي اب او ام يقتل ولاده
ده حتي الحيوانات اللي بنقول معندهاش عقل بس عندها رحمه
ربنا يعافينا

حاجات جوايا يقول...

ساسو ( ينوتاية سابقا )
~~~~~~~~~~~~~~~~~~~~~~
أهلا يا قمر
ربنا يتقبل منك ويعافينا ويرحمنا من الغابة اللى بقينا عايشين فيها

نورتينى يا حبيبتى

Unknown يقول...

هكذا عى الحياه لا تاتى الرياح بما تشتهى انفسنا دائما

الموضوع مؤلم لكنه ليس مستحيلا

مدونه جميله

تحياتى

حاجات جوايا يقول...

احمد بدر الدين
~~~~~~~~~~~~~~
اهلا بك اخى الفاضل
صدقت .. ربنا يرحمنا

نورتنى اخى الفاضل